Sa mga maga pa rehistro bilang botante sang Bacolod City, ang Commission on Elections – Bacolod ang naga abiso nga ang venue sini mismo sa talatapan sang Comelec. Ang mga maga parehistro naman sa idalom sang RAP ukon register anywhere program ang Venue sa SM City Bacolod.
Sa Lunes na maga sugod ang Voter’s Registration. Suno kay Bacolod Elections Officer, Kathrina Trinio-Cana, ang mga Bacolod registrants ang mag padulong lang sa ila nga talatapan sa tupad sang Bacolod Bays Center.
Ang mga maga parehistro naman sa idalom sang RAP ini ang patigayunon sa third floor sang SM City sa ila nga government service express section. Ang mga yadtong luyag mag parehistro pero indi taga Bacolod ang ma-accomodate sa idalom sang RAP. Lunes tubtob Biyernes ang registration sa RAP sa SM. Suno kay Atty Trinio-Cana, palarehos lamang ang mga requirements sang tanan nga maga pa rehistro – valid ID.
Samtang, may mga satellite registration man nga naka schedule ang Comelec – Bacolod nga gina set Biyernes kag Sabado. Ini ang iga announce sang Comelec para mahatagan man sang guide ang Bacolod registrants. Suno kay Trinio-Cana, kun may satellite registration nga naka schedule, wala sang registration nga gina patigayon sa Comelec-Bacolod Office.
“Wala registration sa Comelec Office once may ara kita satellite registration. Pero ang RAP naton ya ginpangayuan na na naton siya sang authority kay ang gwa ya sina simultaneous registration with Comelec voters. Monday to Friday lang ya ang RAP, wala na siya Saturday. And ma end siya August 30, indi na siya mag upod sa September 30 nga last day sang registration para sa mga botante naton sa Bacolod City”, suno kay Trinio-Cana.