Nagsugod na ang pagdamo sang mga bumalakal sa mga mall kag department store kag iban pa nga commercial establishment karon nga paskwa.
Sa pihak sang kasakuon, nagapaandam si DTI-Negros Occidental Division Chief Engiemar Tupas sa mga tagdumalahan sang commercial establishment nga dapat mabalik sa bumalakal ang husto niya nga sinsilyo kag indi ini baylohan sang ano man nga produkto, ilabi na mga dulce.
Nakasaad sa Republic Act 10909 ukon ang “No Shortchanging Act” nga responsibilidad sang mga business establishment nga ibalik ang sakto nga kambyo sang mga customer, magamay man ukon dako nga kantidad.
Nagapanugyan ang DTI pati sa mga customers nga magluwas sa resibo, mas maayo nga kwaon ang ila kambyo.
Handa ang DTI nga mag-usisa sa mga kasubong nga kaso ilabi na karon nga paskwa.