Nagapanguna bilang Most Improved Component City sa Western Visayas ang Victorias City.
Pero nagapabilin ini bilang 4th class city base sa income reclassification sang Department of Finance.
Ginpaathag ni Mayor Javi Benitez nga nabase ang classification nga sa mga na-kolekta nga data sang average annual regular income sang mga LGUs sang 2020 tubtob 2022, antes pa man siya napili bilang alkalde.
Naka-apekto man suno sa iya ang magamay nga National Tax Allotment ukon NTA share sang siudad pareho sang nabaton sang La Carlota City nga na-classify bilang 4th class city.
Ginapaabot sang alkalde nga pinaagi sa mga programa nga nakahatag kadalag-an sa siuad sa idalom sang iya administration sarang nga malab-ot sang Victorias ang 3rd class city classification sa madasun nga tinuig.