Shadow

Drive thru vaccination ginpatigayon sa Bacolod

City PIO photo

Drive thru vaccination program kabahin sa ginpabaskog nga tikang sang Bacolod Emergency Operation Center agud mas mapadasig ang pagpabakuna kag paglab-ot sang herd immunity kontra sa Covid-19.

May masobra sa dos shientos ka mga individuals ang nakapabakuna sa ginbuksan nga drive thru vaccination area sang Bacolod EOC sa 5th floor sang Ayala Mall parking area sang Dominggo.

Suno kay Mayor Evelio Leonardia kabahin lamang ini sang mga tikang para madasig kag madamo ang makapabakuna sa kada mag-abot ang supply sang Covid-19 vaccines.

Nagligad lang nga inadlaw sang ginlunsar man sang siudad ang Vax-i mobile vaccination program para sa mga markets vendors.

Prayoridad man sang siudad ang mga business processing outsourcing company sa vaccination program.

Naglab-ot na sa kapin sinko mil ang nabakunahan pinaagi sa sini nga mga tikang.

Sa kabilugan may 180 mil na ka mga bakuna ang na-administer sang siudad, malapit otsenta mil na ang fully vaccinated.

Leave a Reply

Your email address will not be published. Required fields are marked *

Secured By miniOrangeSecured By miniOrange