Shadow

Delta variant patient liwat nag positibo sa Covid-19, 4 ka mga close contacts nag positibo man

Ang duha ka mga menor de edad nga anak sang 32 anyos nga iloy nga nagpositibo sa Covid-19 delta variant ang yara na sa isolation facility matapos magpositibo sa Covid-19.

Negatibo naman ang resulta sang pag re swab sang ila iloy nagabusong nga nag-upod sa ila sa isolation facility.

Ang ila tupad balay nga lalaki sa Barangay Sum-ag nga nalakip sa contact tracing ang nagpositibo man sa Covid-19 suno kay Em Ang, executive director sang Bacolod Emergency Operation Center.

“We do not suspect nga Delta man sila kay base sa ila RT-PCR test result higher than 30 percent ang ila cycle threshold. To quality for genome center dapat ang cycle threshold is below 30. Fortunately, ining paryente kag close contact sang duha ka mga delta cases taas ang ila nga cycle threshold,” suno kay Ang.

Liwat naman nga nagpositbo sa virus ang 71 anyos nga lalaki nga taga Barangay Banago nga amo ang nahauna nga kaso sang Covid-19 Delta variant sa Bacolod.

Ang isa sa iya mga close contact ang nagpositibo man sa virus.

“Indi na ni sila infectious but si 71 year old nagpositive siya gihapon which is normal kag sensitive ang RT PCR sa remnants sang virus,” suno kay Ang.

Hulyo kinse sang una nga nagpositibo sa Covid-19 ang RT-PCR test sang 71 uno anyos nga lalaki.

Hulyo dise nuebe naman nag gwa ang swab test result sang 32 anyos nga babaye nga positibo siya sa virus.

Ang ila tagsa ka mga puluy-an liwat nga ginpaidalom sa surgical lockdown.

Suno kay ang, magluwas sa duha ka mga kaso sang Covid-19 Delta variant, may walo pa ka mga ginakabig variants of interest nga padayon nga ginamonitor sang eoc upod sa Department of Health 6.

Ang siudad sang Bacolod ang napaidalom na sa general community quarantine with heightened restrictions tubtob sa Agosto 31 sandig sa executive order sang alkalde.

Pinaagi diri padayon nga ipatuman ang hugot nga border kag travel restrictions, pagpaiway sa mass gatherings kag leisure travel agud nga mapahagan-hagan ang kahangawa nga tuga sang Covid-19 Delta variant.

Leave a Reply

Your email address will not be published. Required fields are marked *

Secured By miniOrangeSecured By miniOrange