Sa likod sang sini nga mga matag-as nga building sang condominium units natago ang naga supot nga basura sa Mambuloc Creek.
Plastic bottles, styro foam, plastic sachets kag iban pa nga klase sang basuta ang nagtampok sa sini nga creek. Sa pihak nga side may kitaon na nga tubig sang creek matapos ang tatlo ka adlaw nga dredging kag excavation sang City Disaster Risk Reduction Management team.
Ang naga tumpok nga basura nga nakolekta nangin playground na sang sini nga mga kabataan sa lugar.
Suno sa pamuno sang CDRRMO nga si Jomarie Vargas, basta magsupon ang basura sa sini nga creek sa Barangay 8 gina baha ang palibot nga barangay pati na sa gwa sang SM City Bacolod gani gin una ini hawanan.
Gina bulubanta nga 7 feet ang kadalumon sang creek kag napuno ini sang mga basura. Si Jose Alegado halos duha na ka dekada nga naga istar diri. Sumugod sang nag damo na ang mga commercial structures sa palibot sang ila nga barangay nag sugod na supot ang basura sa sapa.
May tatlo siya ka mga apo nga naga puyo upod sa iya, na anad na man lang sila kuno sang amo sini nga sitwasyon nga sa likod sang balay nila may naga tinumpok nga basura. pero mas maayo gid kun mahawanan kay may mga tiun nga naga usbong na ang baho.
Si Gina Garcia naman, adlaw adlaw nga naga prito sang turon kag iban pa nga kakanin sa gwa sang ila nga balay. Sadto kuno indi man amo sina ang sitwasyon sang ila likod balay. Pero suno sa iya, indi man sila ang naga haboy sang basura sa creek kundi gikan ini sa downtown area sang bacolod kag diri lang naga supot sa ila.
Suno sa DRRMO, ini ang resulta sang tinuig na nga pag haboy sang basura sang mga pumuluyo sa mga suba kag sa drainage. Sa sini pa lang nga creek ginapaabot nga mga isa ka bulan antes nila makakas ang tanan nga mga basura diri.
Kun mag padayon pa kuno ang ginahimo nga paghaboy sang plastic nga mga basura diin lang, mas maga lala ang problema sa baha kay mangin barado ang tanan nga creek kag suba bangud sang wala disiplina nga pag pilak sang basura.