Dredging kag clearing operation sa Mambuloc Creek liwat nga ginsuguran sang DRMMO kabahin sang pagpanghanda sa bulan sang tig-ululan.
Halos indi na maka ilig ang tubig sa Mambuloc Creek bangud sang nagatinambak nga basura sa idalom sang taytay sa Barangay 2 sa Bacolod.
Gani humalin sang Lunes, ginsuguran sang Bacolod CDRMMO ang dredging kag clearing operation agud mahawanan ang Mambuloc Creek batuk sa mga basura gamit ang amphibious excavator.
Ang pagpanghawan sang mga sapa kag declogging operation sa mga drainages kabahin sang tikang sang BAcolod LGU agud mapahagan-hagan ang posible pagbaha sa madasun nga bulan sang tig-ululan.
Madasun nga hawanan sang DRRMO ang Maupay Creek sa Barangay 14 agud mapahagan-hagan ang problema sa pagbaha ilabi na sa reclamation area.
Ginapaabot sang LGU nga matapos ang gina-construct nga diversion channel sa dalan burgos nga isa sa mga ginalauman makahatag solusyon sa problema sa baha.