Shadow

Dugang nga P2 nga saka sa plete gina duso sang transport group

Katapo sang transport group sa Negros Occidental magahinyo sang duha ka piso nga saka sa plete.

Humalin sang nagliligad nga semana sunod sunod ang pagsaka sang presyo sang produkto, ilabi na sang diesel nga nagahamboy na sa 46 tubtob 48 pesos ang kada litro.

Bangud sini maga file man sang joint petition para sa duha ka piso nga saka sa plete ang katapo sang Sentrong Samahan nga mga Tsuper at Operators sa Negros ukon SSTONE upod sa Federation Of Bacolod City Drivers Association ukon FEBACDA sa opisina sang Land Transportation Franchising And Regulatory Board Regional Office sa madasun nga semana.

Suno kay Jesse Ortega, secretary general sang SSTONE, ang duha ka piso nga sa nuebe pesos nga regular fare sa first four kilometers ang mangin dako na nga bulig sa kabudlayan sang mga drayber kag operator karon nga maiwat ang pasahero tungod pandemic.

Nagalauman si Ortega nga mangin paborable ang desisyon sang LTFRB regional office bisan pa gin-deny sang LTFRB main office sa manila ang petition sang transport group sa Metro Manila angut sa tres pesos nga fare increase.

Plano sang grupo nga kun indi matugutan ang ila hinyo, mapilitan sila ang magpatuman sang protesta.

Leave a Reply

Your email address will not be published. Required fields are marked *

Secured By miniOrangeSecured By miniOrange