Wala sang gin-report nga ashfall sa pagbuga Hwebes sang hapon sang bulkan Kanlaon.
May 300 metros ang kataason ang plume kag naglawig ang pagbuga sang lima ka minutos. Ginalauman nga maga pabilin kuntani nga kalamado ang bulkan.
Ginsiling ni Mari-Andylene Quintia, ang resident volcanologist sang PHIVOLCS nga nabase sa La Carlota, ang manubo nga sulfur dioxide emission sang bulkan mahimo patimaan sang pag nubo sang gas nga na emit ukon sang pressure sa bulkan, ukon natakpan naman ang conduit sang bulkan nga naga kasayuran nga naga clog naman rason nga manubo ang SO2. Ang sitwasyon karon masiling nga naga stabilize ang bulkan. Wala sang major activity nga na-record sa sini nga semana. Pero may mga adlaw nga madamo-damo nga volcanic earthquake ang na record nga nagakasayuran nga naga pangita sang alagyan ang hangin ukon pressure sa sulod sang bulkan.
“So far naga stabilize man siya sa subong.
Nothing major. Although may mga days nga medyo damo-damo ang aton volcanic earthquakes. Medyo indi naton makuha. Meaning sang volcanic earthquakes naga pamuka siya sang iya nga alagyan, nga mapasaka”, suno kay Quintia.