Onse ka mga vaccination teams gikan sa Department of Health Region 6 ang maga bulig sa National Vaccination Days sa Negros Occidental.
Ini sila ang iga deploy sa Kabankalan City, San Carlos City, Bago City, Himamaylan City, Sipalay City, Cauayan, Hinigaran, Moises Padilla kag Toboso. May 19 na nga daan ka vaccination teams ang Negros Occidental.
Suno kay provincial administrator Rayfrando Diaz ini agudto mabuligan ang natungdan nga mga LGU bangud ini sila ang nag lag sa ila nga vaccine rollout. Isa sa mga rason nga ginatudlo amo sa gihapon ang vaccine hesitancy.
Anum naman ka mga banwa kag siudad naman ang may masobra sa 70 percent sang ila nga target ang tigayon nakabaton sang at least isa ka dose sang bakuna.
Ini sila ang mga siudad sang Victorias, Cadiz, Talisay, Sagay, kag banwa sang EB Magalona kag Pulupandan. Sa December 10 nga report, 51.80 percent sa target sang Negros Occidental ang tigayon nga nakabaton sang at least one dose sang bakuna ukon 945,499 sa 1.8 million nga target.
Sa December 15 tubtob 17 ang National Vaccination Days. Wala man sang ginsiling nga target pero padayon suno kay Diaz ang vaccination program sa tinutuyo nga malab-ot ang herd immunity.