Shadow

DOH nagausisa sa pagkapatay sang 9 ka bulan nga lapsag nga anak sang evacuee

Padayon ang pagpangusisa sa pag panguna sang Department of Health upod na ang Provincial kag Municipal Health Office angut sa pagkapatay sang siyam ka bulan nga lapsag gikan sa evacuation center sa La Castellana.

Suno kay Dr Girlie Pingonan ang Provincial Health Officer, kasunod sang natabo ginkasugtan nila nga maga padala ang DOH kag PHO sang team para regular nga makapatuman sang konsultasyon.

Sa inisyal nila nga pag lantaw sa sitwasyon sa evacuation center, may pila ka mga lugar nga congested ukon naga ginutok kag naga ulupod ang mga adults kag kabataan. Naga pabilin ang respiratory related diseases nga naga panguna sa mga gina batyag nga masakit sang yara evacuation center.

Ang imbestigasyon ang maga pakita kun ano gid ang natabo kag maka hatag ligwa sang nagakaigo nga tikang nga ipatuman agudto malikawan ang kasubong nga hitabo sa palaabuton. Enero 25, napatay ang siyam ka bulan nga lapsag nga lalaki bangud sang septic shock tuga sang community acquired pneumonia, pila ka oras matapos gindala sa ospital.

Lima ka adlaw antes sang referral sa ospital may gina batyag na ini kag nagpakonsulta sa pribado nga duktor kun sa diin ginhatagan man sang antibiotic. Ika duha na siya nga lapsag nga gikan sa evacuation center sa La Castellana nga napatay.

Secured By miniOrangeSecured By miniOrange