Mga gina pakita sa karon sang bulkan Kanlaon indi pa makabig nga mangin basehan sa pag pasaka sang alert level sang bulkan.
Humalin sang December 9 nga paglupok sang bulkan Kanlaon, may 137 ka mga ash emission ukon eruption nga natabo.
Ini base sa record sang Philippine Institute of Volcanology and Seismology.
Pero klaro ni Ma. Antonia Bornas – ang chief sang Volcano Monitoring and Eruption Prediction Division sang PHIVOLCS, humalin sang Enero 26 tubtob Enero 30 may namutikan nga pagnubo sa ash emission kaangay sang Enero 26 nga 2,364 tons kag sang Enero 28 nga 1,691 tons, pero nagsaka naman ang tonelada sa mga masunod nga inadlaw nga naga kasayuran nga indi malayo ini sa average nga sulfur emission sang bulkan sandig sa record. 5,000 tons ang average sulfur emission sang bulkan.
Paathag ni Bornas mga nalakip sa parameters para makabig sang pagpasaka sa alert level 4 sa bulkan ang drastic ukon ang tuman nga pagnubo sang sulfur emission kasunod man sang pag record sang tuman ka taas nga sulfur emission. Dugang pa niya upod sa balasehan ang inflation ukon ang pamamaga sa mga slopes sang bulkan sandig sa ma detect sang tanan sini nga mga instrumento kag sunod-sunod nga linog.
Sa karon padayon ang monitoring sa bulkan Kanlaon kag ini ang naga pabilin sa alert level 3. Ang paglupok sang bulkan sang June 3 kag December 9 ang makabig nga mild explosion suno kay Bornas.
“Ini-explain po natin na in hindsight, meron po tayong na-recognize na potential precursors ng explosive eruption gaya nung December 9 and June 3, 2024. Before these two eruptions bumaba po yung sulfur dioxide emission kasi ang average since June 3 ay nasa around 5,000 tons. Pag bumbababa less than 2,000 or higher than that, yun nagkaroon tayo ng eruption even yung mahabang ash emissions nung December 23 and 24, bumaba ang sulfur dioxide emission before, pero merong kasama po ito na other precursor, sa ground deformation meron tayong inflation yung short term na pamamaga ng middle to upper slope and then sa ibang parts, inflation deflation, ibig sabihin namaga tapos bumababa ang pamamaga. Meron tayong nakikitang ganitong pattern. Ito po na identify natin short term precursor ng eruption na katulad ng June 3 and December 9. Hindi po ito pang alert level 4”, suho kay Bornas.