Sa Police Station 4 sa Barangay Villamonte, naga tinangkas tangkas sa sulod sang detention cell ang mga detainees kun magtulog. May mga duyan.
Kun magkaon, naga inikit ikit ang ila nga mga butkon.
Pati ang lababo ginhimo na nga palahuwayan.
Nag lab-ot na sa kisame ang ginhimu nga papag sang mga detainees.
Tabi tabi lang sa naga kaon, pati ang kasilyas ginhimo na nga hiligdaan.
Gina butangan lang sang electric fan sa gwa para may hangin nga mag sulod.
Suno kay Police Major Jun Ray Batadlan, Abril pa sang nag sugod ginutok ang mga detainee sa pasilidad bangud indi makabaton gilayon sang ila gina-commit nga detainee ang mga Bureau of Jail Management and Penology.
“Ginhimu naman nagdugang na lang kami electric fan para indi sila masyado magin-otan. Indi man kami pwede nga indi manakop kay obligado man kami nga mag-operate weekly,” suno kay Batadlan.
Ang custodial facility sang pnp station doble ang unod sang sa ila sini sarang lang ma akumodar. Ang good for 20 nga detention cell, 41 ang unod.
Gani indi mapaiway nga pila sa ila ang nagbatyag ang balatian kasubong sang hapo kag mga skin allegergies.
Suno naman kay Atty. Jairus Dogelio, spokesperson sang BJMP 6, ginakinahanglan nila nga mapaidalom anay sa 21 days isolation ang mga bag-o commit nga inmate antes pa man ginasulod sa mga bjmp facility.
Wala sang shortcut sa ginapatuman nga health protocol suno kay Dogelio gani bisan sila ang wala sang may mahimu.
Handa naman ang mga detainee nga magsakripisyo.
Ugaling ang masubo lang suno sa ila amo nga bisan ang ila mga pamilya ang indi na maka-bisita sa ila.
Gani bisan magutok, pila sa ila ang nagapanagil-ot agud lang makasulat sa ila mga himata. Ang mga pulis man ang naga-pangita sang paagi agud mapalab-ot ini sa ila himata.
Ang ginakabalak-an pa sang kapulisan amo nga magluwas nga sarang ini maka-apekto sa ila kampanya kontra sa iligal nga droga kag iban pa nga kriminalidad,
Posible nga maglapta pa ang balatian sa sulod naman sang ila pasilidad.