Shadow

Mga pamilya nag evacuate bangud sang encounter sa Candoni

Nicholas Lachica photo

Mga pamilya gikan sa katorse tanan ka pamalay sa Barangay Caningay sa banwa sang Candoni ang nag evacuate kahapon matapos mag luntad ang sunod sunod nga enkwentro sa bahin sang Sitio Guinobatan sa amo nga barangay.

Suno kay 2nd Lieutenant Weann Sandag, civil military operations officer sang 15th Infantry Battalion, nag sugod ang enkwentro sa tunga sang tropa sang 15th IB kag mga gina patihan NPA matapos mag patigayon sang comba operations ang army angut sa gina alegar extortion activity sang mga rebelde.

Ka apat mag luntad ang enkwentro sa amo nga sitio suno sa kay sandag pero wala man suno sa iya sang may nasamaran sa bahin sang army.

Indi naman mapat-od sang army kun may napatay sa bahin sang mga rebelde pero may mga dugo sila nga nakita suno kay sandag.

Nagcoordinate man ang army suno kay sandag sa barangay nga ipa evacuate na lang ang pila ka mga residente para masiguro nga indi sila madalasa sa pag bayluhanay sang lupok.

Padayon man ang clearing operation sang army sa encounter site kun sa diin ila man nasulod ang hideout sang mga rebelde.

Leave a Reply

Your email address will not be published. Required fields are marked *

Secured By miniOrangeSecured By miniOrange