Detailed Engineering Design para sa Panay-Guimaras-Negros Bridge ang gina paabot mahuman sa masunod nga dose tubtob 21 ka bulan.
Ini suno kay Governor Eugenio Jose Lacson base sa briefing nga ginhatag sa iya sang tiglawas sang Department of Public Works and Highways upod ang Korean Consultants sang Lunes.
Suno kay Lacson sa masunod nga dose ka bulan paabuton anf DED para sa Section A ukon ang para sa Iloilo-Guimaras Bridge kag sa masunod naman nga 21 ka bulan ang sa Guimaras – Negros Bridge ukon section B. Dugang pa sang gobernador may pondo na nga napain para sa DED sa idalom sang General Appropriations Acts sa tuig 2024.
Yara sa sinapol kanday Vice Governor Jeffrey Ferrer, Pulupandan Mayor Miguel Pena, kag pila ka mga provincial officials.
“The good news is this is already fully funded for the Detailed Engineering Design the funding is already part of the GAA 2024. That’s the good news, that’s where we are right now in the next 12 to 21 months”, suno kay Lacson.
Samtang, nagtukod naman sang monitoring group si Mayor Albee Benitez para mapasiguro ang pagpadasig sang natalana nga construction sang taytay nga maga angut sa Iloilo kag Guimaras.
Ginalauman ni Benitez nga amo man ang chairman sang Regional Development Council nga matapos ang una nga taytay sa 2028.