2 ka regular employees sang OBO gina-usisa bangud sang alegasyon sang pagpangilkil.
Gin-issuehan na sang City Legal Office sang notice to explain ang duha ka mga regular employees sang Office of the Building Office sang Bacolod nga ginreklamo sang pagpangilkil.
Ang duha ang nagaserbe building inspectors sang OBO.
Suno kay Mayor Albee Benitez mismo ang isa sa mga negosyante nga tagreklamo ang nagpalab-ot sa iya sang cellphone video sang aktwal nga pagpangilkil agud lang mapadasig ang iya pagkuha sang requirements gikan sa siudad.
Nag-gwa nga ginpangayuan nila sang P15,000 ang tagreklamo asta nga nagpanaug ang suktanay sa P5,000.
Pero sa baylo nga magbayad, nanugid na kay Mayor ang negosyante.
Sa tion nga ma-issue sang city legal office ang show cause order batuk sa mga building inspectors sarang sila mapaidalom sa suspension kag posible nga mapahalin sa serbisyo.