Lima sa anum ka mga private hospital sa Bacolod ang kabahin na sang Bacolod Comprehensive Health Program ukon BacCHP.
Ang The Doctors Hospital Incorporated ang damlag nagpirma na sang kasugtanan upod sa Bacolod LGU sa tuyo nga mapasiguro nga wala sang pasyente nga indi madapatan sang medical attention sa tion sang emerhensya.
Kabahin sa mga private hospital nga kalakip sa BacChP ang Riverside Medical Center, Bacolod Queen of Mercy Hospital, Bacolod Adventist Medical Center kag South Bacolod General Hospital.
Sa bulig man sang partner government agencies luyag sang siudad nga mapasanyug pa ang BacCHP paagi sa pagpasaka sang financial kag medical assistance sa mga pasyente nga taga-Bacolod.