Ginatutukan karon sang Negros Occidental ang information dissemination para mapamatukan ang paglapta sang hand, foot and mouth disease ukon HFMD.
May 320 ka kaso sang HFMD ang Negros Occidental as of February 4.
6,300 percent ini nga mas mataas sang sa kasubong nga tion sang 2022, nga may lima lamang ka kaso nga na-record.
Suno kay Dr Ernell Tumimbang, Provincial Health Officer, ang Negros Occidental ang may pinaka mataas nga kaso nga na record sa Western Visayas.
Magluwas sa information dissemination angut sa kinaiya sang balatian kag paano ini nga malikawan nga gina patuman karon sang PHO, gina patigayon man ang close monitoring sa mga gin-report nga kaso.
Ang DepEd gina abisuhan man nga mag tutok gid sa mga kabataan kag kun may nakit-an nga mga sintoma gilayon nga i-refer sa mga health center.
Ini ang nagalakip sang pag hilanat, pagsakit sang tutunlan, pantal sa mga palad, kamot kag iban nga bahin sang lawas.
Importante ang isolation ukon quarantine para malikawan ang paglapta sini.
Dapat indi pagkalipatan ang pag panghugas sang kamot kag bisan pa mag sunod sa minimum health standards.
“Gina palambot ta man sa DepEd, kag sa mga schools nga be aware kun may ara kabataan nga amo na.
Please try to refer them sa mga health centers for proper diagnosis kag dason for proper isolation and
quarantine”, suno kay Tumimbang.