
City departments kag local government agency ginapa-submit sang request for banning exemptions antes February 11.
Ang Department of Social Services and Development kag City Agriculture Office amo pa lang ang naka-submit sang request para sa banning exemptions. Gani ginahulat ni Secretary to the Mayor Jose Marty Go ang dugang nga mga request sa iban pa nga city departments kag local government agency para matingob ini submit sa Comelec Central Office via online antes Pebrero 11.
Kabahin sa mga luyag mapadayon sang Bacolod LGU ang disbursement para sa AICS kag financial assistance para sa mga mangunguma kag mananagat sa siudad.
Ginahanda naman sang City Engineer’s Office ang request sa banning exemptions para sa ginapatuman nga infrastructure projects. Sa Marso 28 magasugod ang disbursement ban sandig sa pagsulundan sang COMELEC angut sa nagahilapit nga midterm and local elections.