Shadow

Barangay workers dakop sa drug-bust sa Dumaguete

Arestado ang lima ka mga persona lakip na ang duha ka mga barangay workers nga naabtan sang otoridad sa sulod sang drug den sa Purok Israel, Barangay Daro, Dumaguete City, Negros Oriental Miyerkules sang aga.

Ang buy-bust operation ang ginpatigayon sang PDEA Negros Oriental, PNP Regional Intelligence Unit 7 kag Negros Oriental Police Provincial Office.

Ang nagkaladakpan amo ang nagapadalagan sang drug den nga si alias Dante, apat niya ka bisita nga sanday Reynel, barangay hall messenger, Virgilio, barangay tanod sang amo nga barangay, kag duha ka mga trisikad driver nga sanday Wilmar kag Carmelito.
Suno sa kay Punong Barangay Bencio Tan sang Barangay Daro, napaandaman niya na ang iya nga mga empleyado nga indi mag intra sa iligal nga droga kag ang mga naga intra diri ang bahala na mag atubang sang mangin resulta.

Nakuha sa drug den ang walo ka mga sachets sang suspected shabu. Pasakaan sila tanan sang kaso angut sa paghupot sang iligal nga droga kag pag tener sa drug den.

Secured By miniOrangeSecured By miniOrange