Na-activate na ang mga dengue lanes sa mga opsital kasubong man sa kada local government unit.
Ini suno kay Provincial Health Officer, Dr Ernell Tumimbang. Ini ang kabahin sang damlag pa recommendation sa ila nga pag sinapol sa mga municipal kag city health officer kasunod sang pagsaka sang kaso sang dengue nga sa karon yara na sa alert level threshold kag maka alarma na.
670 na ang kaso sang dengue sa Negros Occidental as of May 21. Masobra sa 270 percent ini nga nagsaka kun ipaanggid sa 2021 nga record.
5 ang napatay bangud sang dengue sini nga tuig.
Suno kay Tumimbang kun mag tapak na sa epidemic threshold amo ang mahimo pag deklarar sang outbreak. Pero, bisan pa, ang pagdeklarar sini ang naga kinhanglan sang concurrence sang regional DOH.
Sa ini nga pamaagi mahatagan man sang kinahanglanon nga logistics ang probinsya.
Sa karon, gina hulat sang PHO ang datus bahin sa kadamuon sang mga na-ospital bangud sang dengue. Gina sulit sang PHO nga ang away kontra dengue naga kinahanglan sang kooperasyon sang tanan kag ini ang naga sugod paagi sa matinlo nga palibot.