Shadow

Mayoralty candidate sa San Enrique nga napirde sang 10 votes nag file sang election protest

Nagfile sang election protest ang challenger nga si Napoleon Delfinado sa proklamasyon ni San Enrique mayor-elect Jilson Tubillara.

Sa post sang Youth for Leo-Carlo nga page, makit-an ang litrato sang mga ballot boxes karga sa truck kag naka saad nga ang selected nga mga ballot boxes ang gin-transfer sa Bago Regional Trial Court.

Sa resulta sang mayo nga piniliay, napulo ka boto ang nangin abanse ni Mayor Tubillara sa kay Delfinado.

Bwas pa nga adlaw natalana pag pa interview ang kampo ni Delfinado.

Samtang, gina abi abi naman ni Mayor Tubillara ang lihok labi na nga kinamatarong man ini ni delfinado. Nabaton ni Tubillara ang kopya sang election protest sang nagligad nga semana.

Suno kay Tubillara, masobra sa 99 percent ang accuracy sang vote counting machines kag kumpiansa siya nga kun may recount man wala sang pag bag-o sa resulta, bisan pa nga magamay lamang ang iya nga nangin abanse batuk kay Delfinado.

Secured By miniOrangeSecured By miniOrange