Nangin mataas ang demand para sa Janssen vaccine sa probinsya.
Ini suno kay Provincial Administrator Rayfrando Diaz base sa request sang mga banwa kag siudad nga ila mabatun. Wala labot sa allocation, may mga lgu nga naga request pa gid sang dugang.
Mahimo suno kay Diaz ini natungod nga isa lang ka dose ang Janssen vaccine. Sa malapit 120,000 ka senior citizen nga yara sa A2 masterlist sang probinsya para mabakunahan, as of July 27, 39,320 ang nabakunahan.
Target sang DOH nga dapat sa katapusan sang Hulyo 40 percent sa A2 target ang mabakunahan na. Sa amo nga datus sang probinsya 33 percent ang nalab-ot diri.
Suno kay Diaz antes magtakop ang hulyo malambot ang 40 percent sa dalagan sang pagbakuna karon. Ginahandaan naman sang probinsya ang pagbakuna sa A4 ukon ang mga economic frontliners kag uniformed personnel.
Isa sa ginaduso amo ang pagbakuna sa mga barangay kag indi na sa mga vaccination center agudto malikawan ang ano man nga pagdaguso.
Kun malambot na ang mga target sa A1 tubtob A3 category, ginalantaw ang pag idog naman sa masunod nga priority category.