Shadow

4 ka persona pilason sa separado nga aksidente sa Bacolod

Bacolod DRRM photo

Pareho nga gindala sa ospital ang driver sang motor nga si Edwin Colicio kag angkas sini nga si Sunny Cabales matapos mag bunggo sa ambulansya ang ila motorsiklo sa intersection sang dalan Lizares Lacson kagab-i.

Suno sa pulis, naga byahe pa norte sang dalan Lacson ang ambulansya sang mag bunggo sa kilid sini ang motor nga naga byahe naman sa dalan Lizares. Lunsay nakainom ang duha ka sakay sa motor sandig sa imbestigasyon sang PNP.

Samtang, pareho man nga nag agum sang minor nga kasamaran ang driver sang van kag canter sa aksidente kahapon sa dalan sa Barangay Alijis.

Suno sa imbestigador naga park lang sa kilid sang dalan ang minivan kag yara sa likod sini naga asikaso sang iya stocks ang driver nga si Randy Alunan sang mag bungo ang mini canter nga gina maneho ni Michel Timtim.

Na alang alang ang driver sang canter suno sa pulis matapos may mag overtake sa iya gani nag rekta ini sa naga park nga minivan sa pihak nga lane.

Leave a Reply

Your email address will not be published. Required fields are marked *

Secured By miniOrangeSecured By miniOrange