Nakuhan sang video sang rider nga si Aldren Alit ang pagdaba-daba kag pagsaylo sa pihak nga lane sang isa ka Isuzu Elf delivery truck sa dalan Araneta, sa atubang sang Negros Occidental High School, sakop sang Barangay 39 sa siudad sang Bacolod, kaina sang udto.
Suno sa drayber sang truck, bag-o lang gid sila deliver sang stocks sang sila ang nagdesisyon nga magpahuway sa dalan sa tabok sang eskwelahan.
Apang nakibot na lamang siya kag ang iya pahenante sang gulpi lang nag-ibwal ang kalayo sa idalom sang truck. Nagtabok sa pihak nga lane ang salakyan kag nakabunggo pa sa railings.
Madasig nga nagresponde ang mga bombero kag napalong ang kalayo.
Sunog ang ulo sang salakyan kag ang sa likod nga bahin sini.
Wala naman sang injuries nga na-record bangud sang insidente.
Nagwa sa imbestigasyon sang Bacolod City Fire Station nga nagsugod ang kalayo sa defective fuel pump return sang salakyan.
Samtang, ang gintunaan sang kalayo amo ang ignition sang materyales nga tuga sang diesel vapor, bangud sang guba nga fuel pump return.
Ginabulobanta P100,000 ang danyos sang sunog.
[sibwp_form id=1]