Sumugod Setyembre 16, opisyal na nga magabiya ni Atty. Kathrina Trinio-Caña bilang Election Officer sang Bacolod City kag magabukas man ang hiring para sa amo nga pwesto.
Ginsiling ni Caña nga nadesisyonan niya nga magsyalo na sa judiciary bilang clerk of court sang Bacolod Regional Trial Court Branch 52.
Wala pa sang may ginhingadlan ang Commission on Elections nga posible temporaryo nga magatal-os sa iya samtang madamo pa sang proseso ang pag hire sang bag-o nga election officer.
Nangin election officer si Caña sang Bacolod City sa sulod sang anum ka tuig samtang nagserbe naman ini sa COMELEC sa masobra 20 ka tuig.
Ginklaro man niya nga indi makaapekto ang pag bakante sang iya pwesto sa nagapadayon nga preparasyon sang COMELEC para sa ginapaabot nga Barangay and Sangguniang Kabataan Election sini nga tuig.
Suno sa iya, preparado naman sila para sa filing sangv Certificate of Candidacy ukon COC sumugod Setyembre 28 tubtob Oktubre 5.
Ang filing sang COC patigyunon sa third floor sang SM City Bacolod samtang ang last day naman sang filing ang patigayunon na sa opisana sang Liga ng Barangay.
Sa karun nagapabilin nga Nobyembre 2 sini nga tuig ang election samtang wala pa sang layi nga may napasar sa liwat nga pag postpone sini.
“Before kita maghalin, wala man kita nagauntat sa aton preparasyon naton diri para sa opisina and then sigurado na ya nga pagkahalin ko may yara gid na ya ibulos nga temporary, in an acting capacity or concurrent capacity ang hold ta as election officer sang Bacolod City. Pending pa sang, magwa naman nga pending pa nga i-open nga vacant sang ini nga position kag may ara naman kita selection para sa permanent nga election officer”, suno kay Trinio-Caña.
[sibwp_form id=1]