Ginbuno kag napatay ang 40-anyos nga lalaki sa Sitio Mantuhod, Barangay Cabacungan sa banwa sang La Castellana, Negros Occidental, Domingo sang gab-i.
Nagwa sa imbestigasyon nga hubog ang biktima nga alyas “Don” sang ini ang nang-agaw sang mikropono sa videokehan nga nahamtang sa isa ka tyangge.
Naglalisay ang biktima kag ang suspek nga si alyas “Jo” nga amo ang iya gin-agawan sang mikropono, rason nga ginpa-untat sang tag-iya sang tiyangge ang ila kantahanay.
Naglakat pauli ang biktima apang siya ang ginsunod sang suspek kag ginbuno sang makapila ka beses, antes nalagyo.
Gindala ang biktima sa Rural Health Unit sang La Castellana apang gindeklarar nga dead on arrival.
[sibwp_form id=1]