Sa Martes ukon Miyerkules gina paabot ang pag deliver sang nabilin pa nga mga automated counting machine para sa Negros Occidental nga paga gamiton sa ginapaabot nga May Elections.
Suno kay Provincial Elections Supervisor, Ian Lee Ananoria, sa karon 2,016 na ka mga ACM ang yara sa hub sa Bacolod.
Ang delivery sang ACM sa Martes ukon Miyerkules ang maga kumpleto na sang kinahanglanon nga mga ACM sa probinsya.
Sa una naman nga semana sang Mayo gina paabot ang mga balota.
Samtang sini nga semana ipatuman ang refresher course sa mga maga serbe sa Electoral Board kasubong man ang paghatag sang mga dugang pa gid nga instruction.
Plastado naman ang deployment ang security plans pero ini ang indi niya na mapatpat pa.
Nagapabilin sa green category ang mga lugar kag banwa sa Negros Occidental magluwas na lamang sa Candoni nga damlag pa gin-recommend bilang orange bangud sang armed threat sa lugar.