Ginpahayag ni Bacolod Citty Mayor Albee Benitez nga maga-upod sila sa nangin desisyon ni Governor Eugenio Lacson bahin sa pag-endorso kay 5th District Board Member Anton Occeño bilang kandidato sa congressional election sa 5th District.
Sanday Benitez kag Lacson ang nakabig lideres sang katapo sang Love Negros nga isa ka local political group.
Damlag pa ginpaathag na ni Lacson nga bilang ka-alyansa sang Partido Federal ng Pilipinas iya gina-endorso ang kandidatura ni Occeño.
Si Cadiz City Mayor Salvador Escalante nga naga-serbe secretary-general sang United Negros Alliance ukon UNegA nagsiling nga hilway ang mga katapo nila nga alkalde sa 5th District kun sin-o ang suportahan nga kandidato sa congressional race.
Sanday Moises Padilla Mayor Ella Garcia-Yulo kag La Castellana Mayor Rhummyla Nicor -Mangilimutan ang naga-suporta kay incumbent Congressman Emilio Dino Yulo.
Samtang sanday Himamaylan Mayor Raymund Tongson kag Binalbagan Mayor Alejando Mirasol ang naga-suporta kay Occeno suno kay Escalante.