Presidential aspirant Leody De Guzman nagapati nga gimik lang ang pagpa- drug test sang iya mga kasumpong sa pinili-ay.
Panawagan ni Leody De Guzman nga dapat ma imbestigahan ang kandidato nga nagagamit sang iligal nga droga kag dapat dakpon ang supplier sini matapos man nga ginpahayag ni Presidente Rodrigo Duterte nga may presidential candidate nga naga gamit sang cocaine.
Ini sa baylo nga updan sang gimick nga pagpa-drug test nga karon ginahimu sang pila ka mga kandidato.
Ginsiling sang labor leader nga madamo sang problema nga dapat tagaan kuntani atensyon sang mangin lider sang pungsod labaw imbes nga mag pa-drug test.
Iya ginpahayag nga kabahin diri ang pagdula sang contractualization kag paghatag sang dugang nga benepisyo sa mamumugon.
Samtang gindugang ni Ka Leody nga dapat indi man ipilit sa pumuluyo ilabi na sa mga trabahador ang bakuna para sa natalana nga 3-day vaccination halin Nobyembre 29 tubtob Disyembre uno.
Si De Guzman ang yari sa Bacolod para sa mga pagsinapol upod sa mga estudyante kag mga lideres sang labor sector sa probinsya.