Shadow

Dalan nga bag-o lang natapos kayo, liwat nga ginbungkal kag ginkayo!

Basta gani peak hours… malawig ang pilahay sang mga salakyan sa Circumferential Road sa may area sang Bacolod City Government Center. Pero mas naga lala ang sitwasyon kun may gina kaayo nga parte sang dalan kay naga gamay ang alagyan.

May mga motorsita nga nag pamangkot, daw sang san-o lang man ini gin bungkal kag gin kaayo, subong ginbungkal na naman liwat?

Suno sa chief sang construction section sang Department of Public Works and Highways-Bacolod nga si Engineer Ferdinand Magada, bulan pa sang Pebrero sang nagligad nga tuig nahuman kun tani ang ini nga proyekto pero ginliwat ini obra sang contractor.

Ang rason?

Ini bangud matapos ang pila ka bulan nga nahuman ini, may naglitik nga bahin sang dalan nga masami gina agyan sang mga truck nga may mabug-at nga karga.

Huya man ta sa kabakod sang bag-o nga dalan.

Di bala kun Circumferential Road, meaning tanan nga truck dira malabay? Mahuya man ta siguro kun bike lang kag motor.

Gani ginliwat kuno ini obra sang contractor gamit ang ila na kaugalinon nga pondo bangud may yara sang one year liability ang contractor matapos mahuman ang proyekto.

Dapat lang!

“ASAP gid na sir ang repair mo kay kun wala lang ni ga ulan gusto gid na gani sang contractor bisan gab-i, Saturday, Sunday, ga double time sila kay gusto man na da nila sir matapos mo para ma avoid traffic kag maka proceed naman sila sa next nila nga project,” suno kay Magada.

Suno kay magada, malapit na lamang ini matapos ugaling temporaryo nga na-untat bangud sang maulanon nga panahon. kun mangin maayo na ang lakat sang panahon, mahimo nga matapos na ini sa madason nga semana.

Bantayan ina namon sir ah!

Secured By miniOrangeSecured By miniOrange