Presyo sang bugas ang gina paabot nga mangin estable karon nga gina paabot ang harvest season.
Ini suno kay Department of Agriculture 6, Assistant Regional Director, Engr Albert Barrogo sa interview sang katapo sang media sang Miyerkules.
Suno kay Barrogo, padayon ang ila nga profiling kag monitoring sa compliance sang Executive Order 39 nga naga mando sang price cap sa bugas nga regular kag well milled.
Kay gina paabot naman ang tig-alani, ginalauman ang pag estable sang presyo sang bugas.
Ginalauman ang pag-lift sang rice price cap sa katapusan sang Setyembre. Ang Western Visayas suno sa kay Barrogo ang 120 percent rice sufficient.
Ugaling, suno kay Barrogo, sa rehiyon, may pila man ka mga rice farmers nga na apektuhan sang mag igo ang Bagyo Goring labi na ang sa Negros Occidental, nga nagdala sang kahalitan sa kuntani inug-ani naman nga mga palay.