Isa ka synchronized protocol ang luyag nga ipatuman sang Department of Agriculture Negros Island Region para sa African Swine Fever.
Suno kay Regional Director Engr Jose Albert Barrogo, maga patawag siya sang regional management committee meeting para ma plastar ang Regional Task Force para a ASF.
Paathag niya, imbes nga mag mansig-mansig patuman sang protocol ang kada LGU mas maayo nga synchronized ini.
Endemic na ang ASF sa rehiyon gani mas maayo nga i-manage ang protocol.
May naplastar naman nga daan nga guidelines kag may yara man sang pagsulundan ang Bureau of Animal Industry.
Sa Negros Occidental suno kay Barrogo ang Bacolod kag San Enrique ang may ASF cases. May ASF man nga kaso ang Silay pero ini ang isolated kay sang nagpatigayon sang surveillance negatibo naman ang palibot suno sa kay Barrogo.
Sa Negros Oriental damlag pa ginsiling na ni Governor Chaco Sagarbarria nga ASF positive ang La Libertad. Wala pa sang opisyal nga report ang DA angut diri. Suno kay Barrogo indi man sila maka deklara tubtob nga wala sila may gina uyatan nga basehan. Dependent sila sa pag submit man sang LGU sang ila nga mga blood samples.
Suno kay Barrogo ang Siquijor ang nag close sang borders sini kag wala naga baton sang karne sang baboy gikan sa gwa.
“Sa level naman sang regional we will be creating sang task force namon so we can create by next week. Maka patawag ako sang regional management committee meeting. Emergency meeting RMC meeting para ma establish man ang task force sa regional level. What will be the purpose of this? Para at least sa pag implement naton sang protocol”, suno kay Barrogo.
[sibwp_form id=1]