Shadow

Curfew sa Negros Occidental posible himuon na nga 12 midnight tubtob 4am

Ginapaabot nga palip-utan ukon mas mangin manubo ang curfew hours sa probinsya.

Ini suno kay Negros Occidental governor Eugenio Jose Lacson. Suno sa gobernador sa iya nga pag konsulta sa mga alkalde indi nila luyag nga dulaon ang curfew hours bisan pa nga yara na sa alert level 2 ang Negros Occidental.

Gani laban nga palip-utan na lamang ini kag mangin las dose sang tungang gab-i tubtob las kwatro sang kaagahon. Ang curfew karon nagasugod las 9 sang gab-i tubtob las kwatro sang kaagahon.

Liwat nga magasapol ang gobernador sa mga alkalde kag sa sini nga semana gina paabot ang pag pa gwa sang gobernador sang executive order bahin diri. Wala naman sang problema sa mga menor de edad suno kay Lacson.

Sa karon wala pa man gina tugutan sa probinsya ang pag gwa sang mga kabataan.

“I posted another question if conforme sila sa 12mn to 4am. That’s what I’m awaiting for na lang sa answers nila (mayors). But definitely we’ll continue to have curfew and most likely it will be 12mn to 4am,” suno kay Lacson.

Leave a Reply

Your email address will not be published. Required fields are marked *

Secured By miniOrangeSecured By miniOrange