Civil Service Commission ang nag reverse sang desisyon nga damlag pa nag-dismiss sa serbisyo sa isa ka abogado sa idalom sang Provincial Legal Office sang Negros Occidental. Ginmando man ang iya nga reinstatement. Probinsya ang maga file sang motion for reconsideration sa amo nga CSC decision.
Gin-reverse sang CSC kag gin set aside ang dismissal sadtong 2020 ni Ernie Magaspag nga Attorney IV sang Provincial Legal Office.
Gin-grant ang appeal ni Magaspag sa kaso kag gin-exonerate siya gikan sa mga charges. Gin manduan ang Provincial Government sa pag reinstate kay Magaspag lakip na pagbayad sa iya sang full nga baack salaries, upod ang ang emoluments kag benefits humalin sang pag dismiss sa iya tubtob sa iya nga reinstatement.
Naka saad sa CSC desisyon nga gin promulgate sang June 17, nga ang Serious Dishonesty and Falsification of Official Documents nga charges batuk kay Magaspag ang indi suporatado sang substantial evidence.
Suno sa CSC ang kaso nag gikan sa isa ka anonymous complaint nga gin fle sang August 30, 2019 nga naga alegar nga may mga abogado sang Provincial Legal Office nga masami absent ukon late.
Nasandig ang kaso sang probinsya sa CCTV footage summary report nga gina alegar naga pakita sang discrepancy sa physical presence ni Magaspag kag sa iya biometric-logged DTR entries.
Sa pag reverse sang CSC sang desisyon sang gobyerno probinsyal nga pag dismiss kay Magaspag ginsiling sang CSC nga ang biometric time-tracking system mas may bug-at nga ebedensya sang sang wala na authenticate nga CCTV summaries.
Si Magaspag ang naga saulog sang iya nga ika 60 na kaadlawan subong nga Hulyo 15.
Ginsiling naman ni Provincial Legal Officer, Albert Nellas, Jr., naga panindugan ang probinsya sa ila sini nga desisyon kag may yara sila sang substantial evidence. Sila ang maga file sang motion for reconsideration.
[sibwp_form id=1]