Kasunod sang mabunok nga ulan dala sang bagyo Inday, gin-anod padulong naman sa Ibid Creek sa La Castellana ang mga volcanic debris nga damlag pa nag gikan sa pag buga sang bulkan Kanlaon.
Gani resulta sini, liwat naman nga nag tapan ang Ibid Creek sa Brgy BiaknaBato sa banwa sang La Castellana.
Suno kay Remuel Lajo ang information officer sang banwa sila ang naka pakig angut na sa Provincial Environment Natural Resources Office para sa clearance ukon special permit nga mag patigayon sang quarry bangud sakup ini sang protected area. Nag expire na ang sadto anay na issue nga permit.
Paathag ni Lajo importante nga mahawanan liwat ang Ibid Creek bangud nga maulanon na sa karon kag kun mag ulan indi ma negar ang posibilidad sang pag awas sang tubig nga maga apekto sa mga pumuluyo sa palibot.
Nag pakig angut naman sila sa gobyerno probinsyal kasubong para mabuligan ang pag hawan sang creek sa tion nga may clearance na.
Nag pakig-angut man sila sa Department of Public Works and Highways para mag bulig man sa clearing operation.
Makapila man ka beses nga nag buga sang abo ang bulkan Kanlaon kag sini lamang na-record ang ika apat na nga moderately explosive eruption sang bulkan sini nga tuig.
“Nag damol na siya. Nagdamo naman nag kala anod nga volcanic debris, mga bato dala, dungan. Tungod nga ara siya sa protected area. That’s why kinahanglan permission sang aton DENR”, suno kay Lajo.
[sibwp_form id=1]