Shadow

Crime kag traffic incidents sa Bacolod City ang nag nubo sang tuig 2020

Nangin mas madyutay ang na record nga crime incident sa siudad sang Bacolod sang tinalikdan nga tuig 2020 kun ikumparar sang 2019.

Base sa datos sang Bacolod City Police Office, nagnubo sang 40% ang total crime incidents sa siudad. 1845 ang total crime incidents sang 2019 pero sng 2020, nag nubo ini sa 1105 ka insidente.

Base sa assesment sang BCPO, ang pag nubo sang crime incidents sa siudad ang bangud sa mas ginpabakod nga police interventions kasubong man sa pag patuman sang mga community quarantines sang nagligad nga tuig.

Madako man ang gin nubo sa mga insidente sa dalanon base sa datos sang BCPO.

Humalin sa 309 ka mga traffic incidents sang 2019, nag nubo ini sa 119 sang nag ligad tuig ukon nagpanaug sa 61%.

Nag dyutay man ang gin patigayon nga police initiated operations sang 2020.

Sang 2019, 590 ang ginpatigayon nga drug operations pero 281 lang ang sang 2020. Ang operatioin naman batuk sa ilegal gambling ang nag panaug man sa 157 sang 2020 ikumparar sa 314 sang 2019.

Suno naman kay Police Lieutenant Colonel Ariel Pico, spokesperson sang BCPO, nag nubo sang police operations sang nagligad nga tuig bangud sa ang kapulisan ang nag tutok sa mga lockdown kag ang nangin main priority sang PNP sang 2020 amo ang pag tapna sang COVID-19.

Secured By miniOrangeSecured By miniOrange