Kadamuon sang crime incidents sa probinsya ang nag nubo sa 329.
Ini base sa report sang Negros Occidental PNP sang Hwebes sa joint Provincial Peace and Order Council kag Provincial Anti Illegal Drugs Abuse Council. Ginsiling ni Lt Col Edison Garcia, ang deputy Provincial Director for Operations nga sang 2023 humalin Enero tubtob sang Agosto may 3,037 ka mga crime incidents nga na-record, kag subong nga tuig sa amo nga period yara ini sa 2,208 incidents.
Suno kay Garcia ang pagnubo sa crime incidents tuga man sang padayon nga pag patuman sang Enhanced Management Police Operations, Police Integrated Patrol System kag pag pabaskog sang police visibility. Lakip man diri ang mga checkpoint operations.
Suno kay Negros Occidental Governor Eugenio Lacson, ang pag pamatuk sa krimen continuing effort sang PNP upod ang local government units.