Wala pa karon sang kumpirmado nga kaso sang Omicron variant ang Negros Oriental pero bangud sang padayon nga pag saka sang kaso sa probinsya, nagapati ang Inter-Agency Task Force nga ang Omicron variant
Amo na karon ang naga lapta sa probinsya.
103 ang gin dugang sang kahapon sa Negros Oriental nga karon may yara na sang 434 active cases.
Yara na sa malapit 1000% ang ginsaka humalin sang una nga semana sang Enero kung sa diin may 43 active cases lang sadto ang probinsya.
Wala pa man mag bag-o ang protocol pasulod sa Negros Oriental humalin Cccidental apang gina pangabay sang IATF nga likawan anay ang pag sulod sang mga pumuluyo gikan Occidental sa Oriental bangud man sang nagasaka nga Covid-19 cases sa probinsya.
Samtang kahapon, nag lab-ot na sa 1,533 ang active cases sa negros occidental base sa datos sang DOH Region 6. 87 ang dugang nga kaso kahapon sa probinsya.
Yara naman sa 1,018 ang active cases sa Bacolod nga may dugang naman nga 129 cases kahapon.