Ginpasiguro ni Bacolod City Councilor Al Espino, pamuno sang Committee on Education nga sarang nila mapanagtag ang libre nga mga school supplies para sa mga elementary students sa siudad sa una nga adlaw sang klase.
Ini ang base sa City Ordinance 09-16-787 nga nagamando sa siudad nga maghatag sang libre nga educational materials lakip na sang libre nga uniforms kada tuig sa mga elementary schools sa Bacolod.
Suno kay Espino, mas ginpasangkad pa gid nila ang amo nga programa kag may ara pa gid sang mga idugang nga materials ang siudad para sa mga studyante.
Nasugdan na sang Local School Board ang bidding process para sa pagbakal sang supplies, rason nga suno sa iya indi na ma-delay pa ang pag panghatag sang mga school supplies sa sini nga abri klase.
Madumduman nga 32 million pesos ang pundo nga ginpain sang siudad sang tinalikdan nga tuig para sa school supplies sang masobra 65,000 ka mga estudyante.*
[sibwp_form id=1]