Doblehon sang probinsya ang kadamuon sang mga contact tracers sini.
Ini bilang isa sa mga tikang nga ipatuman sang Negros Occidental suno kay provincial administrator Rayfrando Diaz para mas mapabakod pa gid ang away kontra Covid – 19 karon nga nagasaka ang kaso.
Suno kay Diaz, sa kada positibo nga kaso padayon nga gina patuman ang contact tracing para malikawan pa gid ang paglapta sang virus.
Gina tun-an man sang probinsya ang plano nga mangin mas accessible ang rapid antigen test sa publiko nga libre ilabi na sa mga naga alang-alang sa pag paidalom sa RT PCR test result.
Pila ini sa gintalakay upod kay provincial consultant Albee Benitez nga nagduso sang pagpabakod pa gid sang border control sang probinsya.
Samtang, padayon ang kampanya sang Provincial Health Office sa pag bakuna.
Sa pagpamuno ni Dr Ernell Tumimbang ang kampanya ang gina patuman sa tagsa ka mga LGU.
53.87 percent sa target sang probinsya fully vaccinated sa karon sa record sang Provincial Health Office.