Shadow

Construction materials kag food packs ginpanagtag sa Ilog

Padayon ang pag release sang probinsya sang bulig para sa mga nahalitan sang Bagyo Odette.

Sa banwa sang Ilog, mismo si Negros Occidental Governor Eugenio Jose Lacson ang nag supervise sa pag panagtag sang mga 6 ka corrugated kag 2 plain GI sheets sa mga nagub-an sang balay sang mag igo si Bagyo Odette sang Disyembre.

2,940 ka mga pumuluyo ang nag baton sang bulig gikan sa 15 tanan ka mga barangay sang banwa.
Suno kay Merle Garcia ang Provincial Social Welfare and Development Officer sang Negros Occidental, wala labot sang mga construction materials ginhatagan man ang mga apektado nga pumuluyo sang food packs nga naga unod sang bugas, delatas kag noodles.

Damlag pa nanagtag na sang bulig ang probinsya sa siudad sang Sipalay kag Hinoba-an.

Sini lamang nag baton man sang bulig gikan sa Iligan City sang isa ka milyon ka pesos ang probinsya para sa mga nahalitan sang Odette.

Nag abot naman kopya sang memorandum of agreement sa tunga sang probinsya kag sang National Housing Authority bahin sa 90 million pesos nga bulig para sa nagub-an sang balay. Suno kay Lacson ini ang iya ng iga forward sa Sangguniang Panlalawigan agudto mahatagan siya sang authority to sign. Pagkatapos sini masugdan ang pagrelease sang bulig.

Indi magnubo sa 5.9 billion pesos ang kahalitan nga gindala sang bagyo Odette sa probinsya.

Secured By miniOrangeSecured By miniOrange