5th District Representative Ma Lourdes Arroyo ang maga suporta sa kandidatura nanday Ferdinand Marcos, Jr. kag Mayor Sara Duterte sa 2022 nga piniliay.
Si Arroyo nga katapo sang Lakas-CMD kag kapartido ni Mayor Sara ang nagsiling nga suportado niya ang Uniteam ukon ang Marcos-Duterte tandem kag siya ang maga kampanya para sa ila sa iya nga sakop.
Ginalauman man ni Arroyo nga ang mga alkalde sang kinto distrito ang maga suporta man sa Uniteam. Maga suporta sa Marcos-Duterte tandem kanday Mayor Ella Garcia-Yulo sang Moises Padilla, Rhumyla Nicor-Mangilimutan sang La Castellana kag Raymund Tongson sang Himamaylan City.
Sa bahin ni Isabela Mayor Irene Montilla, nga katapo sang Nationalist People’s Coalition, siya ang naga hulat pa sang abiso sang iya partido kun sino nga presidential aspirant ang ila nga suportahan sa 2022.
Suno kay Arroyo mahimo nga sa Enero maka bisita ang Uniteam sa probinsya pero indi pa man sa karon mapat-od bangud sang sitwasyon tuga sang pandemya.
Si Arroyo ang nanagtag sang E-Trikes sa 117 ka mga barangay sa bilog nga kinto distrito sini nga Biernes sa banwa sang Isabela.