Pito ka mga pamatan-on ang nasamaran matapos gin-alegar nag awas sa riles ang sa isa ka Horror Train ride kagab-i, sa likod sang Bacolod City Government Center.
Sa inisyal nga impormasyon, ang mga biktima ang nag-awas gikan sa gina sakyan nga train, rason nga naka angkon sila sang mga pilas sa lawas.
Gindala naman ang mga biktima sa ospital kag yara na sa estable nga kondisyon.
Suno kay Mayor Greg Gasataya, pagasabton sang carnival management ukon tag-iya sang horror train ang tanan nga gasto sa pagpabulong kag pagpaayo sang mga nasamaran nga kabataan.
Nagpadulong man sa lugar ang tiglawas sang City Engineer’s Office agud mag patigayon sang inspection kag assessment sa mga rides.