NACUSIP ang naga demand sang isa ka full independent audit sang 206.4 million pesos nga pondo sang SRA para sa RSSI.
Sa pahayag nga gin pa gwa ni Roland de la Cruz, ang national president sang National Congress of Unions in the Sugar Industry of the Philippines, iya ginsiling nga ang tikang sang SRA para sa RSSI indi lamang isa ka failure, nangin wala man ini sang pulos.
Nagapanawagan man ang NACUSIP sang congressional inquiry sa gina -alegar mismanagement sang naga lala nga krisis sang industriya sang kalamay.
Ila man gina panawagan ang Department of Agriculture kag ang Malacañang nga mag patuman sang gilayon nga audit sa pamunuan sang SRA, mag patuman sang istrikto nga oversight kag pangapinan ang palangabuhian.
Suno kay de la Cruz, apesar sang minilyon nga pondo sa public funds wala sang klaro, pat-od ukon science-based nga resulta nga makit-an kag mabatyagan sa mga talamnan.
Ang RSSI padayon nga nagalapta kag naga apekto sa mangin kita sang mangunguma. Wala sang comprehensive nga program suno sa iya para mapahagan-hagan ang amo nga krisis.
Damlag pa ginsiling ni SRA Administrator Pablo Luis Azcona, nga 206.4 million pesos humalin 2025 tubtob 2026 ang nagamit kontra RSSI.
P177.5 million ang gikan sa SRA kag P28.5 million ang gikan sa SIDA fund. Dugang pa ni de la Cruz wala sang may na release nga line item liquidation ang SRA para diri.
Mga magagmay nga farmers kag workers suno kay de la Cruz ang wala sang may nabaton nga konkreto nga assistance, scientific intervention ukon field-level support.
[sibwp_form id=1]