Shadow

Comm Guanzon naga haylo sa mga kababayen-an nga magpa pili sa eleksyon

Sa Women’s Day Celebration sang probinsya liwat nga ginahaylo ni Comelec Commissioner Rowena Guanzon ang mga kababainhan nga magpapili sa public office.

Si Guanzon nga amo ang nangin dinapit nga bisita, nagsiling nga ang kakulang sa resources isa sa mga kabangdanan kun ngaa diutay lamang sa mga kababainhan ang nagapapili.

Suno sa iya sarang nga makasugod ang kababainhan sa barangay level.

Ginaduso niya man nga dapat ang kongreso mag pasar sang laye nga karon pending na angut sa paghatag sang state funds sa mga political parties nga may pila ka porsiento sa ila nga katapo ang magapapili mga kababainhan ukon ayhan partido nga ang katapo puros kababainhan.

Naga pabilin ang inequality nga pag panghangkat suno sa iya sa mga kababainhan.

Ang ginalantaw nga posible pagpapili nanday Vice President Leni Robredo kag Mayor Sara Duterte sa 2022 elections suno kay Guanzon naga pakita sang igkasarang sang kababainhan.

Suno naman kay Negros Occidental Governor Eugenio Jose Lacson sa nagkalain lain nga patag karon makita ang pagpangibabaw sang mga kababainhan.

Secured By miniOrangeSecured By miniOrange