Bureau of Fire Protection ang nagapahanumdum sa publiko nga maghalong sini nga tig-ilinit agud malikawan ang pagkasunog sang panimalay ukon establisimiento.
Ini ang mensahe sang BFP sa pagsaulog sang Fire Prevention Month sini nga bulan sang Marso.
Isa ka motorcade ang ginpatigayon sang BFP kahapon bilang opening salvo sang kahiwatan kun sa diin may yara sang simultaneous nga pagbusina sang tanan nga mga fire truck sang tanan nga mga fire stations sa Bacolod City kag Negros Occidental.
Naglibot sa mayor nga dalanon sang Bacolod ang mga bumbero nga gin updan sang mga stakeholders lag volunteer fire brigades.
Tinutuyo sang Fire Prevention Month nga ipahanumdum sa pumuluyo ang fire safety awareness pinaagi sa paghiwat sang information-education campaign kag pulong pulong sa mga barangay kun paano malikawan ang sunog kag kun paano magresponde sa tion nga magluntad ang isa ka sunog sa ila lugar.
Sa sini nga tuig, pagagamiton man sang BFP ang social media bilang isa sa mga pamaagi para mapalab-ot sa pumuluyo ang ila mensahe sang paghalong batuk sa sunog.