Ginpahayag ni Bacolod City Mayor Evelio “Bing” Leonardia nga nagakabalaka man sa karon ang siudad bangud sang sunod sunod nga kaso sang pag pangluthang humalin sang pag sugod sang tuig.
Sa datos sang Bacolod City Police Office, may 12 na tanan ka mga shooting incidents humalin sang Enero.
Ang business sector ang damlag pa nag pahayag man nga sila ang nagakahangawa na bangud sang sunod sunod nga kaso sang pag paniro.
Pero luyag ipa siguro sang alkalde nga gina tinguhaan sang kapulisan sa Bacolod nga masolbar ang ini nga mga kaso kag mapahagan hagan ang kaso sang pag paniro.
Indi man dapat maalarma ang pumuluyo suno kay Leonardia bangud sa ang mga insidente sang pag paniro ang may tagsa man ka mga nagkalain lain nga motibo kag indi lang ini himo sang isa ka grupo sang vigilante.
Ginakabig sa gihapon sang alkalde nga generally peaceful ang siudad.