Indi mag paidalom sa 4-day work week ang Commission on Elections. Ini natungod nga na set na ang timeline para sa Barangay kag SK Elections.
Suno kay Provincial Election Supervisor, Ian Lee Ananoria, padayon tubtob sa Sabado ang mga voter’s registration.
Indi na nila ma bag-o pa ang mga na set nga schedule bangud naka plastar na ang tanan para sa BSKE Elections sa November 2.
Pero, sa gihapon naga patuman sila sang energy saving measures kaangay na lamang sa pag sunod sa abiso angut sa gamit sa airconditioning units kag mga appliances.
Klaro ni Ananoria, magamay man lang gid ang konsumo nila sa kuryente labi na nga kalabanan sa ila nga staff ang yara sa field.
Sa pihak nga bahin, naga paabot sila nga malabawan pa ang kadamuon sang mga registered voter’s subong kun ipaanggid sa nadugang nga registered voter sa nagligad nga voter’s registration.
“May mga timelines kami nga gina lagas for the preparation of the Barangay and SK Elections sa November 2. Naka set na na daan ang ERB. Mga preparations sang mga POPs. So ga continue kami sang registration sa mga schools, sa mga barangays”, suno kay Ananoria.*
[sibwp_form id=1]