
Padayon ang verification sang Commission on Election sang mga ballots kag iban nga accountable forms karon. Suno sa COMELEC may namutikan nga kakulang pero minimal.
Suno kay Atty Ian Lee Ananoria, naga sige pa ang vefication bahin sa kakumpleto sa mga accountable forms lakip sa mga mga balota. Ang kakulang suno sa iya ang sarang mapun-an sang ila man nga contigency.
Dugang pa niya, ang mga presinto nga may kakulang pwede man makuhaan sa iban nga presinto kun kinahanglan.
Paathag niya wala man naga dangat sa 100 percent ang voter turn-out, ukon siento por siento ang naga boto.
Pasalig sang COMELEC handa na sila para sa piniliary sa Lunes.
Samtang, bwas, Oktubre 27 natalana naman ang simultaneous nga operation baklas sang COMELEC.
Nagapanugyan kag liwat naga pahanumdom ang COMELEC sa naga papili nga siguraduhon mag butang sang campaign materials sa common poster area.
Sarang mapasakaan sang reklamo ang naga supak.
Nagdangat naman sa 164 ang napapanaugan sang show cause order angut sa premature campaigning.
Ang dugang nga pito ang ginserbe sa mga kandidato sa Bacolod City.